Brian on Mountain

2016年2月19日星期五

新年假期不歸家，行山影相係我最好的娛樂

新年不歸家

新年假期流流長，這個新年的九天假期，家人回鄉，自己一個人在家，不用拜年，我當然不會在家中度過啦，我還是喜歡和朋友一齊去郊外遊玩。

咁岩又撞正幾日既好天，二月的到來代表住冬天的離開，大地回春，同時亦代表拍攝銀河的日子來臨，二月的時候，如果天氣許可，可以見到銀河既中心，即是銀河最壯麗的部分會在日出前出現，而臨近新年期間更會出現五星連珠的天文現象，在這種種的誘惑下，豈能叫我在家中度過哩個新年假期呢？

當然這個新年假咁好天，主要拍攝的主題都係銀河同日出，所以我們不會選擇在九龍區既山度徘徊，我們只會選擇在西貢流浪，因為只有在那裡，光害才不會影響我們的拍攝，而且在這些少人既地方，我們不會受到別人的影響，任意的在這裡拍攝自己想要的構圖。

我有幸可以見到五星連珠，但因為器材構圖問題，我只拍攝銀河、水星和金星的部分。
相中最光既一粒星為金星，而水平面上橙色為月亮。

貪玩的我們當然會想到一些有趣的拍攝題材，銀河加人，加多兩把激光劍，冇錯，就係Star Wars.

直到拍攝到太陽出來我們才開始收拾行裝離開。

離開的途中也不忘拍攝沿途既側光相，拍攝側光相的機會並不多，

日出後只有很少的時間可以拍攝，太陽再升高，

拍攝的相邊沒有了立體感，再拍攝也沒有意思。

Day tow

新年假的第二天依然好天，我和朋友們又來到同一個地方，當然，我不會再拍攝同樣的構圖，不過題材依然係一樣，都係拍攝銀河以及日出。

第二日來的這裡我們稱它為火星，因為這裡很多碎石，就好似火星表面一樣。

利用標準鏡拍攝，就可以拉近我和銀河的距離

這裡可拍攝的前景非常多，但係卻非常困難，有很多凌亂的石頭，所以構圖會非困難，
很容易就會毀左張相，所以構圖必須非常小心。

Day three

此時此刻的我已經筋疲力竭，捱左三晚，我已經開始沒有心機構圖，求其影兩張就瞓左係石灘上，因為太舒服，不知不覺瞓到日出，而因為日出和想像中太大出入，我並沒有意欲拍攝。

我只是求其影左張銀河就算了，因為天氣真係畀前兩日差左很多。

晨曦、金星、月亮、銀河，站在海峽上，看著此景，我感覺日常繁瑣的生活浪費了很多時間，沒有真正用心去欣賞這世界。

壞習慣，膠遊不忘自拍

糧船灣這裡我已經記不清來過多少次，每次來都能拍攝到完全不同的構圖，因為這裡實在太美，但要來這裡並不容易，可能因為少人來的關係，要找到入口是比較困難的，而且沿路懸崖風化嚴重，想來這裡郊遊的朋友就要注意安全。

停止拍攝，細心欣賞大自然的鬼斧神工

壞習慣改不了，手機總是離不開

行走在懸崖上的我，顯得十分渺小

在這連續拍攝三天，基本上沒有睡過，雖然感覺很累，但是也堅持下來，有時躺在草地上太舒服，不知不覺睡著了，過一會又被凍醒了。

這三天雖然我沒有睡上一天的好覺，可能有人會覺得，放假，當然要在家裡高床暖枕睡個靚教先叫放假嘛，但我覺得，如果有一天，你有機會在野外看著星河升起落下，晨曦慢慢的把星空染藍，太陽由水平線徐徐昇起，你就會覺得，能夠看到由星空至到太陽照亮整個世界，這才叫人生。

如果你喜歡我的作品，可以點擊以下鏈接並且LIKE我的Facebook page給予我一點支持，有任何意見或留言，亦無任歡迎。

Brian on Mountain

2016年2月1日星期一

行山瘋狂自拍，其實可以好型

瘋狂自拍

哩個年頭，人手一部手機或者相機，自拍相片上去社交網度呃like是常識吧，所以好似我地D後生仔，去到一些比較特別既地方，又或者見到一些平時很難先見到既事物，都喜歡自拍，然後Post上社交網址Share自己既喜悅。

拍攝風景也不忘自拍

平時天氣好我就會同朋友去影日出日落以及銀河，如果影完自己想要的構圖，有空餘的時間，通常都會拍攝自拍留紀念，話曬這些都係青春的印記，山長水遠來到一些人煙稀少，又靚既景點，又點會忍得住唔自拍留個紀念呢？

銀河在香港唔係好多地方可以見到或者影到，最易去當然係石澳或者萬宜水庫啦，但係我既性格係唔喜歡去易去既地方，因為這些地方拍下的相片沒有價值，難去既地方總需要攀山涉水，一張銀河自拍總是有血有汗。

如果你單拍銀河，畫面就會單調，但如果加個人落去，畫面就會豐富好多，既可以自拍Share上社交網站又可以增加畫面既豐富程度，一舉兩得啦！何樂而不為呢？

但有時去到一些比較危險的地方，就不要太過得意忘形，叫朋友幫你拍攝一些行山既片段，自己要專心睇路，不要為影一張相而忽視安全，影自拍，也要影得安全，要視乎自己能力同安全性。

除左銀河外，個人認為城市既夜景自拍都非常吸引，這張相片看落似一個爬上高山遠望自己夢想既人 XD

望著獵戶座星空

一個錯誤示範，不要穿一些和背景差不多顏色的衣服，唔係既話就會好似上圖咁............Orz

長焦鏡頭可以帶來壓縮感

行住山既剪影星空自拍，睇落就好似一個野人 haha

如果你喜歡我的作品，可以點擊以下鏈接並且LIKE我的Facebook page給予我一點支持，有任何意見或留言，亦無任歡迎。

Brian on Mountain

2016年1月27日星期三

凍到縮埋一舊影日出

其實我只想躲在被竇入面

我們本身在出發前看了天文臺，睇完天文臺資料顯示25號是天晴，之後一個星期都係有雲，而且果一日的能見度有五十公里，咁我們點會錯過這次的影一出的機會呢？二十五號當天的氣溫很低只有2.7°而且吹緊北風七級風左右，我當時見到咁真係有點唔想去，但係睇在之後一個星期都冇得影既份上，搏埋今日，死就死啦，今日唔出會空虛幾日。

我們又一次畀天氣欺騙，意志不夠堅定

然後便同之前一樣，和Kelvin同埋其他朋友仔一齊殺入東壩，我們原先的計畫係去東壩附近的豬仔灣（簡稱），去到目的地，望上個天，心諗好似都幾好理想咁，睇到個天夠清，仲可以望到星星，今次一定食硬胡啦。

我們預早咗入去，諗住可以影埋條銀河（一月銀河會在日出前出來），所以我們四點半已經入到去，揾定個靚前景影啦，點知入到去，就知大鍋啦，真係好大風，好在平時行山多有經驗，著夠衣服，但係卻忘記著防風褲，整到我“上身興合合，下身凍冰冰”今次真係凍到縮埋一舊，都怪自己記性差...

因為好早去到的關係，我們就又老馮咁瞓喺個地下休息，真係凍到郁都唔想郁，瞓瞓下，個天開始起雲，因為又凍又封頂既關係，心情跌到落谷底，心諗搞錯啊，次次要返學出來搏日出都係咁，跟住嬲嬲地出到東壩，但係諗諗下既然來到，唔影好似有D傻，然後就去到東壩底揾前景，唔理個日出點，都照影啦。

在壩底，天開始慢慢清翻，天蠍座也隱約見到，但都係有雲，所以費事影銀河啦，搵前景才是首要既目標，但天慢慢變藍，我們幾個都仲係揾唔到個合適既前景，因為壩底冇比較突出既前景，最後選擇放棄，求其影咗幾張當交功課。

最後就影到咁，但意想不到既係日出前竟然燒天，雖然唔係好靚，但係喺冬天來講算係咁。

Kelvin見到有張大班椅，又忍唔住要影張自拍，識影一定坐住大班椅來影日出。

回到東壩上

今日既日出隨算係過的去，但係因為影得唔好，索性上去壩頂準備Call的士出西貢，點知邊上邊望著個日出，就開始dam心口，開始後悔點解要咁快出來，原來今日個日出係水平線日出，就算係喺夏天都唔係經常有。

又係要九秒九趕返學

大家都知我為影風景相不惜走堂，但今次影完相出來都冇遲到都可以說係不幸中的大幸啦。

返到學校，同學仔見到我一身打扮，同埋手上既腳架都知我去影相，但係唔知點解個個第一句問我既係，今日大帽山凍唔凍啊？其實果刻我想講，鬼知咩，我又冇上去大帽山...

認真講句，其實我唔係一個喜歡跟風既人，同唔喜歡去熱鬧既地方，雖然我對影雪有興趣，但我對大帽山既霜其實一點興趣都冇XD，其實主要原因都係怕凍@..@

如果你喜歡我的作品，可以點擊以下鏈接並且LIKE我的Facebook page給予我一點支持，有任何意見或留言，亦無任歡迎。

Brian on Mountain

2016-01-25

2016年1月20日星期三

發光的石屎森林— 香港夜景

不一樣的香港夜景

一講到香港既夜景，多數人的都會想到維多利亞港既夜景，的確，璀璨的維多利亞港夜景是世界有名的，所以吸引到不少外國遊客都慕名而來，但我個人認為，維多利亞港的夜景，沒有太多的香港特色，香港建築的特色就是多、密集同高，而在九龍區，你便可以看見一座座高聳的住宅建築，只要爬得夠高，你便可以見到這些石屎深林的全貌。

但在拍攝夜景方面獅子山下的夜景其實並不難，但首要的條件係高清，通常吹東風或者南風，因為在吹西風或者北風時，會將大陸的污染物吹來香港，所以有霞的天氣基本上不用影，影出來後製會好辛苦並且出來的相片並不自然。